Cornelius van Arckel (1670-1724)

EPITAPHIUM

In

J. ANTONIDEM vander GOES,

Poeseos Phaenicem.

TOta sub exiguo tumulatur marmore suada,
    Bellerophontaeae verna perennis aquae.
ANTONIDES ne jacet surreptus flore juventae,
    Cujus apollinea pectora voce madent?
(5) Pierides miseris singultibus astra lacessunt
    Ob tam praeclari funera maesta viri.
Amstelides plangunt Nymphae. gemit Ya celebris,
    Ac Mosa conspersus rore tepente genas.
At tu, qui transis, dic, Molliter ossa quiescant,
    (10) Terraque sit cineri non onerosa tuo.
CORNELIUS van ARCKEL.