Continue

FRANCISCUS VOSSIUS

In Lusus amatorios Joannis Juniani Brunaei

Viderat Eoâ rediens de gente Cupido
    Plurima languenti carmina scripta manu:
Indoluitque simul, regnique pericula cernens
    Concidit ante oculus, docte BRUNAEE, tuos.
Atque ait, ô juvenis cunctis mihi dulcior undis,
    Torrida cum Phoebus prata calore premit,
Utere jam calamo, mea fervida regna fatiscunt,
    Et mea lethali membra dolore tument:
Tu poteris quaecumque cupis, seu condere versus,
    (Cumque canis flagrant tecta superba Iovis)
Sive velis Batavas incendere Carmine nymphas,
    Uritur in Batavis quaeque puella meis.
Praemia magna feres: pharetram si poscis & arcum,
    Sive velis famulum, jam famulatur Amor.
Dixerat: Hinc versus mellitos, nectaris instar,
    Ad Batavas fundis, chare Brunaee, tuos.
Atque Amor ante pedes, postquam tua carmina legit,
    Pegaseo aggreditur quaelibet auctus equo:
Tecta strepunt superum: flammas miratur Olympus:
    Majoremque videt sol Phaëtonte suo.
Et quae vovit Amor, praestat; proprioque poetae
    Versibus in cunctis servit amica manus.
NaÎs amat, servet mediis quoque Thetys in undis,
    Ardentemque suum cernit ubique gentem.

In: Jan de Brune: Veirzjes. Amsterdam, J. Broersz, 1639, fol A5r. KB Den Haag 29 C 34.



Francisci Vossii I.C. Carmen de victoria navali, felicibus auspiciis illustrissimorum foederatae Belgicae ordinvm, & celsissimi Aravsionensivm principis; ductu nobilis, & strenui herois, Martini Hereberti Trompii.