Henricus Delmanhorstius (ca. 1575 - ca. 1640) : Vesalia capta. Leiden 1629. Gebruikt exemplaar: UBL 3090 A 19.



[fol. A1r]

H. Delmanhorstij

TRIUMPHUS BATAVUS,

VESALIA
CAPTA,

XIX. Augusti M D C XXIX,

ILLUSTRIBUS POTENTIBUSQUE

ORDINIBUS,

PATRIAE PATRIBUS:

Nec non

MAGNIFICIS

ACADEMIAE LEIDENSIS

CURATORIBUS,

Atque

EPHORIS HONORANDIS

Cultus Honorisque ergò
Consecratu.


[Vignet: Houtsnede Leidse Maagd,
met ‘‘C.LUG.BAT’’].

LUGDUNI BATAVORUM,
Typis Iohannis Nicolai à Dorp.




[fol. A1v: blanco]
[fol. A2r]

H. Delmanhorstij

TRIUMPHUS BATAVUS,

VESALIA CAPTA,

D D

ILLUSTRIBUS POTENTIBUSQUE

HOLLANDIAE, WESTFRISIAEQUE

Ordinibus,

PATRIAE PATRIBUS:

Nec non

MAGNIFICIS

ACADEMIAE BATAVAE

CURATORIBUS,

Atque

EPHORIS HONORANDIS

Cultus Honorisque ergò exhibitus.


ILLUSTRES MAGNIFICIQUE DOMINI, non semper deus Medcinae noster aegris suis, verùm etiam gratâ vice in opso Musarum coetu praecinere, eburneâque testudine Paeana ciere memoratur; cui ego dato tempore accinere solitus. Ecce à SUMMO DEO caelitus donatâ occasione aureâ, Curis Practicis severioribus CAPTAE VESALIAE immiscui Tiumphum, quo me, nuperè admodum, Urbisque nostrae Leidensis Magnum Quadragintaviratum modis gaudibundis affeci. Neque solùm ad eorum Amplissimorum Virorum aures canere ausus sum, quin etiam apud Vos Bataviae Patres Perillustres, apud vos etiam Aca- [fol. A2v] demiae Batavae TRIUMVIROS Magnificos tên palinôidían ciere, iterareque visum, tempore laetitiâ aestuante; ut qui vel maximè saevioris, atrociorisque periculi vim majorem, furibundumque hostis extrema audentis impetum nobiscum expavistis, exhorruistis, ijdem novo, noc opinatoque gaudio ad plenum perfundamini. Gratissimum itaque Illustri gratia donarium hoc admittite, VESALIAM videlicet, DEO OPTIMO, MAXIMOQUE hoc agente, feliciter CAPTAM, VESALIAM, intemeratae quondam, hodiernoque die Religionis unitae arcem, & metropolim; VESALIAM denique, Bataviae charissimae iam pridem à diro hoste, turculentisque Croatis, vi horrendâ occupatae, oppressae, dilaceratae, vastataeque divinam liberatricem!

                VV. Maiestatis Observantissimus
                        H. DELMANSHORSTIUS, MEDICUS.
[...]



[fol. B1r]

H. Delmanhorstij

TRIUMPHUS BATAVUS,

VESALIA CAPTA,

Iò Triumphis Archducum ferox
Cedas Batavis Sylva! nec efferos
        Fraenos remorde! sat superbo
        Praesidio, Dominoque gentis

Injuriosa nunc operae datum,
Iam collabantis! cedere nescia, &
        Infracta virtus Civitatis
        Crede Deo, Auraicoque cede

Urbem prementi fortius! & sacrum
Nunc evocandi Palladium, ac deae
        Ancile turbanti darum,
        Diviparae deae imaginosum!

Iò Triumphis cede ferox! fequens
Armis, virisque urbs horrida: nam, Deo
        Pugnante pro castirs Batavûm
        Auraicis superante Marte,

Obnieteris frustrà! Ecce potens viris,
Armisque, fasces VESALIAE urbs dedit
        Genti Batavae, praeda opima,
        Spanicae opes operiosiores!

Cessit Triumphis Battavicis Dei
Urbs illa! multo milite praepotens,
        Bellique nervis; invidenda
        Spiciferae Cereris Popina.

Arx Martis atrox armisoni, horrea
Frugumque, & horrens pulveris ignei
        Favissa, * tormentûm aeneorum
        Et barathrum, & stabulum metalli

[in margine: * Prompuarium cella, thesaurus, vedeant. Agell. Scal. ad Festum.]

Flavique, & albi: heus! nam mihi quis opes
Censu carentes dicere non pavet
        Urbis redemtae! Martiarum
        Bellicrepum pelgusque rerum.

[fol. B1v]
Hoc hoc asylum vim patientium
A gente Ibera tot profugûm salus,
        Verique cultrix: quid! cadentis
        Battaviae nova liberatrix!

Salve urbs redempti VESALIAE soli
Salus Batavi, nec sine numine
        Divûm redemti, Batavorum
        Ipsa salus rediviva salve!

Quid fama mendax dinumeras opes
Non aestimandas! fine carentia
        Indigna rerum quot talenta
        Omnigeni pretij reperta,

Inventa necdum! non Batavo satis
Excussa rerum praemia calculo!
        Censere quicunque adlaboret,
        Icarij numeros liquoris,
[...]

Continue